ماكو مثل العراقية بقلم دنيا العبادي

.....ماكو مثل العراقية.....

يا زهوة العراقية بجمالهة
چنهة گمر من تضوي علية
ماشفت مثلچ يا سومرية
طابگة وردة وخزامة يازينهة
من تلبس الچرغد والعمامة الجنوبية
ومن تدلع تورد خدودهة بخجلهة چنهة تفاحة شمالية
ومن تكحل عيونهة تبين من ورة البوشية
لابسة العباية ومزينة ببلابل ذهبية
ومن تحچي تگلك ممنونة البغدادية
ياعيني علة ست الحسن شگد أبية
تحمل هموم وماتشتكي الشذية
تجيب اللگن والطشت چنك ملك الية
تنضد الفراش ملون بألوان زي الكردية
ويا محلة ريحة خبزهة الفجرية
وية الچاي والگيمر بالصينية
وما گلك علة العصاري وگليچة التنور
هي تحمل جمال الكون العراقية
اللوحة للفنان/ amer al jazie
✍🏽بقلمي
#دنيا_العبادي

Ameert Aljanob